Бөлүмдөр
Дүйшөмбү, 19-февраль
Ысык-Көл

Тоңдун Кара-Коо айылында 50 аялды жумуш менен камсыз кылган цех ачылды (фото)

Turmush -  Тоң районунун Кара-Коо айылында 50 аялдан турган 9 жамаатты жумуш менен камсыз кылган цех ачылды. Бул тууралуу Ак-Терек айыл аймагынын башчысы Азамат Боталаев билдирди.

Анын айтымында, жумушчулардын саны көбөйүүсү күтүлүүдө.

«Биздин тургундар Япония мамлекети менен 2013-жылдан бери кызматташып келет. Ушуга чейин цехтин жоктугуна байланыштуу үйлөрдө аялдар чогулуп, кийизден буюмдарды жасашчу. Эми шарт түзүлүп, ишкерлердин алдыга жылышына өбөлгө түзүлдү. Учурда 9 жааматтан турган 50 аял иш алып барууда. Бул дагы чек эмес, алардын саны көбөйүүсү күтүлүүдө. Айлык маянасы орточо эсеп менен 10 миң сомдон 18 миң сомго чейин», - деди А.Боталаев.

Цехтин ачылышына облустук бийликтен туризм боюнча адис, Тоңдун акими жана айыл тургундары катышты.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 2795
Комментарии
Обсуждения закрыты
Көп окулду
Учурда окулуп жатат
×